طـارالكرى عن موق عيني وفرّا 00وقزيت من نومي طرالي طواري

طارالكرى عن موق عيني وفـرّا=وقزيت من نومي طرالي طـواري
وابديت من جاش الحشا ماتـدرّا=واسهرت من حولي بكثر الهذاري
خـط ٍ لفانـي زاد قلبـي بحـرّا=من شاكي ٍ ضيم النيا والعـزاري
سر ياقلم وإكتب علـى ماتـورّا=أزكي سلام لإبن عمي مشـاري
شيّخ ٍعلى درب الشجاعة مضـرّا=من لابة ٍ يوم الملاقـا ضـواري
ياما سهرنـا حاكـم ٍ مـا يطـرّا=واليوم دنياً ضاع فيهـا افتكـاري
أشكي لمن يبكي لـه الجودطـرّا=ضرّاب هامـات العـدا مايـداري
ياحيف ياخطوالشجـاع المضـرّا=في مصر مملوكٍ لحمر العتـاري
من الزاد غادٍ له سنـامٍ وصـرّا=من الذل شبعان ٍمن العزعـاري
وش عاد لوتلبس حريـرٍ يجـرّا=ومتوّج ٍ تاج الذهـب بالـزراري
فـدنياك يابن العم هـذي مغـرّا=ولاخير في دنيا تـورّي العـزاري
تسقيك حلـو ٍثـم تسقيـك مـرّا=ولذ اتها بيـن البرايـا عـواري
إكفـخ بجنحـان السعـد لاتـدرّا=فا لعمر ما ياقاه كثـر المـداري
مافي يدالمخلـوق نفـع ٍوضـرّا=ما قدر الباري على العبد جـاري
وإسلم وسلم لي على من تـورّا=وأذكر لهم حالي وماكان جـاري
إن سايلوا عنـي فحالـي تسـرّا=قبقب شراع العز لو كنـت داري
يوم إن كـل ٍ مـن خويـه تبـرّا=حطيت (الأجرب) لي عميل ٍ مباري
نعم الرفيق إلى سطـا ثـم جـرّا=يودع مناعير النشامـى حبـاري
رميت عنـي برقـع الـذل بـرّا=ولاخير في من لايدوس المحاري
يبقى الفخر وأنـا بقبـري معـرّا=وأفعال تركي مثل شمس النهاري
أحصنت نجدعقـب ماهـي تطـرّا=مصيونة ٍ عن حر لفح الضـواري
ونزلتهـا غصـبٍ بخيـر ٍوشّـرا=وجمعت شمل ٍ بالقرايا و قـاري
والشـرع فيهاقدمشىواستـمـرّا=ويقرا بنا درس الضحى كل قاري
زال الهوى والغـيّ عنهـا وفـرّا=ويقضي بها القاضي بليا مصاري
وإن سلت عمن قال لـي لاتـزرّا=نجد ٍ غدت بـاب ٍ بليـا سـواري
ومن آمن الجاني كفـى ماتحـرّا=وتازي حريمة بالقرايـا وقـا ري
واجهدت في طلب العلاليـن قـرّا=وطاب الكرى مع لابسات الخزاري
من غاص غبات البحرجـاب درّا=ويحمد مصابيح السرى كل ساري
وأنا احمد اللي جاب لي ماتحـرّا=واذهب غبار الذل عني وطـاري
والعمـر مايـزداد مثـقـال ذرّا=عمر الفتى والرزق في كف باري
وصلاه ربي عـد ماخـط بالـرّا=على النبي ماطاف بالبيت عـاري