قصيدة قالها أبو راشد بسبب فوز شباب التضامن

أصالة عني وباسم الجماهير = مبروك للأبطال على انتصاره
شبابنا للكأس راحوا مداوير = وجابوه بالأخلاص وفن المهاره
مجدي يقود أبطال لساحة مشاهير = العزم والإصرار هذا شعاره
شجاعنا مشرف يقول ما يصير = شباكنا عذرا وساسه طهاره
خالد معه عواد للضد والغير = ذادوا عن المرمى بليا خساره
وفيصل معه فواز بخندق نواطير = هم سدنا العالي عندا ختباره
والدينمو فلاح بيفر ويدير = ويرسل على المرمى قنابل عياره
والجندي المجهول بوسط الطوابير = أنت البطل يا زيد تحت الإشارة
وغزالنا زعال مذكور بالخير = يسقي غريمة كأس علقم مراره
وجه السعد سعد يسدد فواتير = وشباك خصمه تشتكي من قراره
والنورس عويد يعزف تباشير = يفرد لنا بأهداف حلوا ختياره
والعادمه ترسل قنابل بتفجير = مساعد على المرمى يجدح شراره
والاحتياط رواد في مركبة مير = ويمنى ما تصفق بليا يساره
أقولها ويقولها صغير وكبير = مبروك كأس جاء بفن وجداره