اضحك وشارك في المواقف الطريفه

بسم الله الرحمن الرحيم

السلام عليكم ورحمة الله وبركاته

اخواني الاعضا نبي من كل عضو لو تكرمتو يشارك في موضوع طريف ومضحك وفي نفس الوقت

محرج وانا اول واحد ابدا في المشاركه وهو موقف صارلي طريف ومحرج في نفس الوقت

وان شاءالله تعجبكم وهو موقف صحيح صار لي قبل اربع سنوات وانا فيه حاجتين مادانيهن

اطلاقن بس غصب علي امشي لهن وكل واحد عنده عائله لازم يمرن عليه شي روتيني في حياتنا

( الاوله تودات الحريم للسوق ) ( والثانيه تودات الحريم للمستشفى )

( الموقف الي صارلي هو )

كنت مودي هلي للسوق وكائني ماشي على وجهي المهم ماطول عليكم انا واهلي في السوق في محل

مليان حريم وانا طلعت براء المحل انتظر اهلي يخلصون اتمشى قرب المحل وفيه سوبر واقف جنب المحل

والسوبر مظلل كاتم ماتشوف الي داخله بس الي داخل السوبر يشو ف الي براء قلت لنفسي ليه متكشخ

في تظليله السوبر لنه تعكس تصير مثل المراه وانا اجي في جنب السوبر وقوم اعدل في شماغي احيان

ارفع العقال واحيان انزله واحيان اعدل المرزام وانا في تكشخي اسمع ضحك حريم ولا ادري وين الي

يضحكن بس حسيت ان الي يضحكن قريبات مني التفت يمين ويسار ولا اشوف احد قريب مني تري

السوبر الي انا اتكشخ في تظليله مليان حريم ويشفن حركاتي وانا اتكشخ ويدرن اني ماحسب

في السوبر احد وانا ياغافلين لكم الله وشكيت ان السوبر به احد وركزت كل نظري في تظليله

السوبر تراه مليان حريم وهن الي يضحكن على حركاتي وهن يشوفني وانا ماشوفهن ويدرن

اني ماشوفهن ساعه عرفت ان الي يضحكن داخل السوبر وتخرب الكشخه صحيح والهزيمه ياربع

وخذ هلي وعلى البيت هذا الموقف الي صار علي وانا في عمري مصار علي الا موقفين واحد

هاذا والثاني في مابعد اجيبه لكم ان شاءالله واطلب من كل عضو يشارك في مامر عليه من

مواقف طريفه ومضكه واكيد كل واحد صار له موقف مثل مصارلي وسلامتكم