زيد حمد الفديد

ياسعود جهز موتري ابي أقومي=ودي أروح لواحدأ فرحة إمناك
رجل ليا منك نخيته يقومي=شهم ولا قالوا ترى زيد خلاك
طيب من اللي يعرفون السلومي=ماهو من اللي لاعطى الوعد ينساك
ليا قال قول عند قوله يحومي=ليا جيت قال ابشر بلي جيت له جاك
أناشهد انك ماتروح مهزومي=زيد الفديد يعطيك حقك بيمناك
ولو شلت عم زال عنك الهمومي=ليا جيت قال ابشر بلي جيت له جاك
قله اجدودن يلطمون الخصومي=يوم الملاقي مايهابون الادراك
عقيل من اللي يقطعون الخرومي=عند الفزع يبرد غليلك ويشفيك
يفزع باليوم اللي حصل به هجومي=مايقحمه الا ولد ذاك من ذاك
عوق العديم ليا قام مره يزومي=نخى الفديد ليا من خصمك تحداك
وانشد عن فعله مردودين العلومي=ليا ضعت تلقى من على الحق يقداك
وصلوا على المختار في كل يومي=المصطفى اللي على الحق مشاك