( إلي يسافر شهر العسل لاينسى البنزين )

( إلي يسافر شهر العسل لاينسى البنزين )

حصل معي موقف لا احسد عليه في شهر العسل وأنا مسافر من الشرقية إلى مكة المكرمة بعد ماطعلت من الرياض

بحوالي 150 ك مريت محطة فولت بنزين وباقي على الطايف حوالي 650 ك م وحطيت رجلي ويا ليل دانه في السوالف

عاد انتم تعرفون العريس بس وده يسولف مع عروسته ومن كثر السوالف ماحسيت في الطريق إلا يوم شفت اللوحة باقي

على الطايف 150 ك م وطالع عداد البنزين تحت الربع قلت للحرمة ذكريني أول محطة أعبي بنزين وفي كلامي هذا

قالت هذي محطة قدامنا عب بنزين وأنا رايح في السوالف قلت خلينا نكمل سوالفنا الطريق كله محطات بس تعديت

المحطة حوالي سبع ك م ولعت لنبه البنزين والطريق سيدين وبينهن شبك ماقدر ارجع للمحطة قلت خربانه خربانه وكمل

مسيري وكل ماجت محطة تجي على اليسار ولا فيه فتحه بين السيدين حتى ارجع المهم مشيت 50 ك م وخرب المزاج بعد

السوالف الحلوة بس ابي ألان محطة بنزين على يمين الخط أعبي منها وقفت مقابل محطةبس المحطة على اليسار وتورطت

ماقدر اخذ الحرمة وادخل من تحت الشبك حتى أجيب بنزين وأخاف أخليها في السيارة بس هي شجعتني قالت وقف

بيبن السيدين وروح جيب بنزين حتى يوصلنا اقرب محطه قلت مانتي خايفه قالت لا المحطه قريبه بسرعه روح للمحطة

وانا اقفل السياره عليها واخذلي علبه صحه كبيره وأروح للمحطة وتشوف فتحه صغير في الشبك الي بين السيدين

ولافيه فتحه واخش من الشبك زحف على بطني من تحت الشبك وعبيت العلبه بنزين وارجع بسرعه واشوف فتحه في

الشبك صغيره ماشفته في دخلتي من تحت الشبك ياليتني ماشفت الفتحه دخلت معاها ومستعجل تراء فيه زفلت مايع من

حراره الشمس وعليه غبار مينشاف وانا انزلق فيه واطيح طيحه ماحسد عليها وعلي ثوب العرس ابيض جديد وبشي

الفلافي ولزق في الزفلت ابيه يتخلص من الزفلت ماهو متخلص لزق لزقه قويه واطلع أغراضي إلي في جيوب الثوب

وافصخه مني وخليه في زفلته ومشي لسيارتي بس بسروال والفنايله والحرمة تشوفني بس في السروال والفنيله قالت

عريسي يمكن انجن ويش فيه جاي كذاالمهم عبيت السياره البنزين والحرمة خايفه بس تطالع لي ولاتكلمت وانا انزل

الشنطه واطلع ملابس البس ثوب واغسل وافتح الباب وسلمت والحرمه خايفة ماتدري ويش فيني جاي مفصخ قالت

سلامات ليش مفصخ ملابسك علمته في القصه وقامت تضحك قلت ليش تضحكين معجبك منظري قالت لا انا احسب انك

مفصخ ثوبك على شان مايتوصخ من البنزين وهذا الموقف صارلي في زواجي قبل سنه وثمان شهور انا اول ماكنت ابي

اذكر هذا الموقف بس شفت مافيه شي قلت ابي أشارك به ابي الشباب يستأنسون ويضحكون بس أشوف مافيه احد

شارك غير ألي ذكرت لكم أسف على الاطاله وان شاءا لله يعجبكم وهذا الموقف صحيح ماهر مجرد خيال صارلي انا

وتقبل تحياتي