الديوان المقروء للشاعر مشفي الجرواني

ابدا بذكر الله علام ماصــــــــــار =وعلام مايخفى على الناس خافيه
ومن بعد ذكر الله هاظاً الافكـــــار =بهواجسٍ وسط الضماير تخفيــــه
منا لبو عارف1 نبديله اســــــــرار =اسرار هم مبيح سد راعيـــــــــــه
هواجسٍ كنه على القلب مسمـــار =مسمار لحام على النار يحميــــــه
يامسندي بسباب وقت بنـــــــا دار =دواير دارت علينا بتاليـــــــــــــــه
من عقب ماكنا نسوسنا الامصــار =ودانة لنا كل المشارق وغربيــــــه
صرنا نساس وعصمة بيد كفــــار =صارو لنا الوالي وحنا مواليــــــــه
وش عاد لو صار العدد فوق مليار =خمسة ملايين تبيعه وتشريـــــــــه
قرن مضى كله بهاذيل وامــــــرار =نكبه ورا نكبه توالا بلاويـــــــــــه
ستين عام وقدسنا بيد غـــــــــــدار=يهودي يعمل على طمس ماضيـــه
للمسجد الاقصى يبي محو الاثـــار=ويشيد الهيكل مكانه ويبنيـــــــــــــه
والفعالنا شجب شديد مع انكــــــار=وجريح غزة مالقا من يداويــــــــــه
حرم علينا مدهم ويش ما صـــــار=وكل ماصدر حنا ترانا نلبيــــــــــــه
والغرب احرق دار الاسلام بالنــار=هذه مصبحها وهذا مسيــــــــــــــه
وهدم المنازل فوق اهلها له اشعـار=من شان تحرير البشر من مباديــــه
وش هقوتك ياخوي بللي بنا صـار=متى تعود امجادنا اللي بماضيــــــــه

يالله ياجاعل نعيمه للأ بـــــــــــــــرار= وجحيم للي ضل وابليس مغويـــــــــــه
يامعطي اللي يشحذك وقت الاسحار = مضلوم واللى تايب من معاصيــــــــــه
للعيب ستار وللذنب غفـــــــــــــــار = ماغيرك احدنلتجيله ونرجيـــــــــــــــه
يافارج الشدات يالنافع الضـــــــــار = ياللي دبيب الذر بالليل توحيــــــــــــــه
يامعتني في رزق طير ٍ ليا طــــــار = يغدو خماص ويرجع البطن ماليـــــــه
لله حكمة في تصاريف الاقــــــــدار = شين يبين وشي عنا مخفيــــــــــــــــــه
فلاح يشكي لي من الوضع محتـــار = وضعا" عسى الخالق يزين تواليـــــــه
يشرح مصير الواقع المر بأشعــــار = واقع هوان كل مسلم يعانيـــــــــــــــــه
نرضى الهوان وعيشة الذل والعــار = ننبذ بعضنا والمعادي نواليـــــــــــــــه
العلمنه تعبث كما يعبث الفـــــــــــار = تشوه ملامح هيبة الدين تشويـــــــــــه
تتلمذت في مدرسةغزو الافكـــــــار = بين العميل ومهزلة حضرة البيــــــــه
ياأمة المليار من ياخذ الثــــــــــــــار = ينفظ غبار الذل عن ثوب راعيـــــــــه
الشجب والتنديد مايرجع الــــــــدار = اللا العدوباسيف تضرب علابيـــــــــه
ياكبروا لله وغبارها طــــــــــــــــــار = اكيد يرجع مجد الامه لماضيـــــــــــه
ان مافدينا الدين بالمال واعمـــــــار = نصبح مثل ولف الدبش للمداويـــــــــه
وش عاد لو تعدادنا فوق مليــــــــار = ماتنفع الزيله ذهيب المتاييــــــــــــــــه
وصلو على اللي جاه جبريل بالغـار = اطهر بشر سارة على الارض رجليــه
اللي جمع بين المهاجر والانصـــار = حتى سمو بالدين وارسو مباديـــــــــــه

جــو الـمـجـادل بالمـجـالـس نخـلـقـه=بــمـــور نـحــيــي ذكــرهـــا بـتـحـريـثـه
مفروض مجلسنـا يجـي فيـه حلقـه=نجلس على هدي الرسول وحديثـه
حـتـى بـنـا الخـالـق يبـاهـي بخـلـقـه=تـحـفـنــا الـرحــمــة ويـبــعــد خـبـيـثــه
الذكر يفضي خلق من ضاق خلقه=مثل الوبـل يطلـع خفـا القـاع غيثـه
مع صحبةٍ جبلو على الخير خلقـه=خطاهم على منهـج سلفهـم حثيثـه
والله خـلــق خـلـقـه وفــــرٌق بـخـلـقـه=نـــاسٍ هشـاهـيـشٍ ونـــاسٍ غـثـيـثـه
ونـاسٍ بهـا مـن قلـة العـرف شلـقـه=ونـاسٍ ثقـال ونــاس يطـلـع دحيـثـه
والمجلـس اللـي مايجـي فيـه حلقـه=اكــيــد يـنــهــش بـالـمـقـفـي غـلـيـثــه

يـاحـبـنــي لـــلـــي كـــلامـــه وجــيــهــي=ماهـو علـى الـحـروة يـطـوح حصـاتـه
لـو كـان هـرجـه مـثـل نـقـد الجنيـهـي=يفضل على بعـض السوالـف سكاتـه
عـــن غـــرة الـغـافــل جـنـابــه نـزيـهــي=يضـفـي عـلـى خمـلـة رفـيـقـه عـبـاتـه
مايجـادل اللـي مــن ربـوعـه سفيـهـي=يــعــرض عــــن الـجـهــال ومـهـاتـراتـه
ولا يـسـتـمـع لـعـلــوم وجــــهٍ كـريـهــي=يـتـرك ردي الــذات مــن طـيــب ذاتـــه
ولــو ان حمـلـه مـثـل حـمـل البليـهـي=الــنــاس مـايـشـكـي لــهــم مـشـكـلاتـه
سـمـح النـبـا عـلـى السجـيـة بـديـهـي=صـنـايــع الـمـعــروف قــــارب نـجــاتــه
يـعــمــل خــفـــى لله مـــاهـــو تـبـيــهــي=ويـطـلـب مــــن الله بـالـنــوازل ثـبـاتــه
بــشــروط واركــــان الـعـبــادة فـقـيـهــي=يحـاول يزيـد مـن الخـشـوع بصـلاتـه
وصلوا على اللي ما لوصفه شبيهي=الله عــطـــاه ومــيـــزه فــــــي صــفــاتــه

مـــبـــداي بـــالــــي خــلــقـــه يـرتـجـيــهــي=رزاق جـــنـــد(ن) مــــــا تــمــيــز لــغــاتـــه
بـــــالاض والـــــي بـالـسـمــا يـحـتـويـهــي=محـيـي الـعـظـام الـــي رمـــاد(ن) رفـاتــه
وخـــــلاق بــالارحـــام مـــــا يـقـتـضـيـهـي=وكــــلٍ كــتــب رزقــــه وســاعـــة مـمــاتــه
ويـحـاسـبـه كــــل(ن) بــلــي مجـتـنـيـهـي=لـعــبــاده الـجــنــه ونـــــار(ن) عــصــاتــه
نـار(ن) تـعـس حــظ الــذي تصطليـهـي=اتــهــيــل وغــــــلاضٍ شــــــدادٍ حــضــاتــه
ثـــــــم نـــجــــاري شـــاعــــرٍ نـرتـضـيــهــي=نــديــمٍ مــــا نــنـــدم عــلـــى مـسـاجـلاتــه
يــــــا قــــــال شـــعـــرٍ مـــحـــدٍ يـقـتـفـيـهـي=شــعــره عـــــن الـمـنـقــود يــاخـــذ بــراتـــه
مـــا يـعـجـزه عــســر الـمـثــل مرتـهـيـهـي=نــــــــوادر الاشــــعــــار يــــاخــــذ طــــراتــــه
مشفي عسى صدوف الكدر ما تجيهي=ويـكـسـب رضـــا الله والـثـنـيـن بـحـيـاتـه
ونـشـفـق عـلــى امـثـالـه وكــــلٍ يـبـيـهـي=مــــرافــــق الــــــــي طــيـــبـــاتٍ ســـمـــاتـــه
احــــــب مــــــن رب الــعــبــاد يـهــديــهــي=لــــرضــــاه ودروب الــمـــراجـــل هــــواتــــه
غـمـيـق ســـر وتـــرك مــــن لا يعـنـيـهـي=مـاهــو مـــن الـــي يــــدورون الـشـمـاتـه
لسـانـه عــن الـهـرج الـدنــي يحتمـيـهـي=واعـراض مـن غابـو فـهـو مــن حمـاتـه
وخـتـامــه الـمـعـصـوم صــلـــو عـلـيـهــي=الـــــي صـــــلاة الـعــبــد آخـــــر وصــاتـــه

مشـفـي تكـلـم فــي كــلام ٍ وجـيـهـي=هـو مطلـب الله راغـب ٍ فـي نجـاتـه
شـاعـر وحكـيـه مـثـل نـقـد الجنـيـهـي=الـصــدق والاخـــلاص ابـــرز صـفـاتـه
يوم ان بعـض النـاس طبعـه كريهـي=قـلـيـل مــــن شـفـتــه يــســوي ســواتــه
لـه منهـج ٍ مـن يتبـعـه مــا يتيـهـي=مـــن مـنـهـج الــقــرآن حــــدد جـهـاتــه
ينـصـح ولا يـتـبـع طـريــق السفـيـهـي=يــعــرض عــــن الـجـهــال ومـهـاتـراتـه
يسقط علـى المعنـى بفكـر ٍ نبيهـي=والساقطـة مشفـي ماهـو مــن هـواتـه
تشـرب معـه كـاس ٍ طهـور نزيهـي=وتاصل معه روض ٍ زها فـي نباتـه
مبطـي وانــا يــا قــال أطــرب واتيـهـي=معجـب بشعـره وياحضـر قـلـت هـاتـه
وجــه ٍ أحـبـه بـيــن كـــل الوجـيـهـي=واطلب عسى الله يسعـده فـي حياتـه
وصلوا على اللي ما لوصفه شبيهي=الله رفـــــــــع قـــــــــدره وزاد درجـــــاتـــــه

يالله يــــا مـهـلــك عــــدوك بــــصـيـــحــــه=ومن الــــهـــلاك انــجــيــت لاهـل الصــلاحي
وضــيقــت بالعــاصـي فـــجـــوج الفــسيـحـه=وجـــعلـت فـي صــدر الــتــقـــي انــشـراحـي
وخـاطــبـــت بـآيـاتـك عــقـــولٍ رجــيــحـــه=وأولــجــت بالـلــيــل الـبـهــيــم الـصــبــاحـي
ذكــــرك عــــلاجٍ لـلــقـلـــوب الــــجـريـحــه=وســنـــة نـبــــيـــك فــوزنـــا والـــفــلاحــي
ان مــا مــشــينا بالـنـصـوص الــصــحــيــحه=والله مــا يـــنـــهــــض كــــسـيـر الجــنـاحـي
هـــذا وعـــنــدي قـــــد عــرفــي نـصــيـحـه=لــعــل يـحـضــى بـالـــقـــبـول اقـــتــراحــي
تكاتـفــوا يـــا هـــل الــوجـيـه الــفــلـيــحــه=لا تــذهـــب الــنــخــوه مــهـــب الــريــاحــي
مـهـمـا حـصــلّـك دون الاهـــداف طــيــحـــه=حــاول تــصـــدى لـلــفــشـــل بـالـنــجــاحــي
هـيــا بـنــا سـتــار الـقـطــيــعــة نـــزيـحــه=ابـلــيــس لا يـضــغــط زنــــاد الــسلاحــي
زرع الـفــتـن بــيــن الـنــطـيـح ونـطــيــحـه=اشـــد مــن طــعــن الـجــســـد بـالـــرمــاحـي
الــمــيــت يــامــن مــــات لازم نـــبـــيـــحـه=والــحـــي نـــرفــــا زلّــتـــه بـالــســمــاحـي
لا بــــد مــــا كــــلٍ يـــشــال لــضــريــحـه=ونــتــرك بــقــايــا غــيــظــنــا بـالـمـراحــي
ومـــن طـــاوع الــمــتــرديــه والـنــطـيـحـه=يــقـتــل شــــمـوخ الـتـضـحــيـه والـكـفـاحـي
الـعـلـمـنـة فـــعـــل الــرذيــلــة تــبــيـــحــه=بالـمـجــتــمــع نـــــادوا بـــكـــفــرٍبـــواحـــي
صـاروا عـلـى الاســلام عــار وفــضـيــحـه=بـاحـضـان الامــه مــثــل حــمـل الـسـفــاحـي
يــخـفـون مــع سـحـر الـبـيــان وفــصـيـحـه=ســكـــب الــمــيــاه الــمـنـتـنـه بـالــقــراحـي
وحـنــا نـتـبـاهـا بالــخــصــال الــقــبــيـحـه=حــتـــى تــعــديــــنـــا حـــــدود الــمـبــاحــي
عــنــاق تـــذبــح لـلــرســـول الــذبــيــحــه=وحــنــا ذبــايــحـــنــا خـــيــار الــطـيــاحــي
وشــلـون نــفــســق والــنـعــم نـستـبــيــحـه=واجــدودنـا تــرعـــى بــرجـــوى الـلــقــاحـي
كـــنـــا فـــقـــارا والـــمــوارد شـحــيــحــه=لا شـــك نــمـيـز بــيـن الاجــرب وصــاحــي
وصــلـوا عـلـى الـلـي نـفـتـخـر فـي مـديــحه=يـا مـــيــدحــــوا بالــجــود نـــاسٍ شـحــاحــي

يالله عفوك عند ماتنزع الروح=ياغرغرة في سكرة الموت روحي
ياحشرجة والصوت خافت ومبحوح=واصحبت لاميز ولافهم ولااوحي
ماغير جثمانٍ على القاع مطروح=محتاج عفو اللي بعفوه سموحي

ندله يابو فارس والايام عجله =يذهل هل الالباب سرع عجلتها
دنياك حافل بالغرابيل سجله =ياكثر ناس يابو فارس فجتها
ان اقبلت قامت تغازل بنجله =في حبها تسبى قلوب عشقتها
واليادبرت تاطا الصوابر برجله =تضيق على خطو السنافي سعتها
اقرب مثالٍ حي ضرغام دجله =روحه من السم الزعافي سقتها
لاجله تباغض ناس وتحب لاجله =وناس خذت منها وناس عطتها
وناس مهي من ذم الاصحاب خجله =مثل النضا ماتشوف عوج رقبتها
وين القلوب اللي من الله وجله =اللي مع الخالق قويه صلتها

يالله ترحم شيبتي وانحطاطي=ياحدودب القارب وقمت اتركا
لو الجمل يدخل بسم الخياطي=ماشب من على عصاه يتوكا
وين التي شدت علي المقاطي=للحل من قالت على المتن عكا
عسى قويا بالكريم ارتباطي=لغيره لياوجست الضرر ماتشكا
ياجا نهارٍ به حسم النقاطي=اطلب عسى من عند ربي مزكا
الرابح اللي مامشى درب خاطي=من خشية الله دايم الدوم بكا
بالليل يتعب بالوقوف المواطي=يانام من يشخر شخير المذكا
وانا هواي ورغبتي وانبساطي=مجلس رجالٍ ماهذر فيه حكا
ماجاه راع الثرثره والغلاطي=لو موقفه خاطي تعزوى وتكا
واحب من بالدين يجدد نشاطي=قريب ولا في ميامي ودكا

ياهـل الفـضـا بأسلوبـكـم عـبـر الافــاق=ودو لأبـــوعــــارف عـــلــــوم وحــقــايـــق
رجــــلٍ كــريــم ويـمـدحـونــه بــالاخـــلاق=والـديــن والـمـعــدن وحــســن الـطـرايــق
والـنـاس ماتـمـدح عـلـى غـيـر مـيـثـاق=والـمـدح بـالـلـي يـــدرك الـطـيـب لايـــق
وانــا عـلـى وصـلـه شـفـاوي ومـشـتـاق=لاشــك عايقـنـي عــن الـوصــل عـايــق
يامشفـي ايـقـف للرسـالـه عـلـى ســاق=الـعـلــم يـامـشـفـي يــبــي مـــــخ فــايـــق
صدري يابوعارف عقب مااتسع ضاق=اروق يــــــوم وعــــــام مـــانـــي بـــرايـــق
وهـمــوم قـلـبـي نــوخــت جــــل ودقــــاق=لـيــن الـضـلـوع الـعــوج لـيـتـك تـهـايـق
الـوقـت وصـلـنـي عـلــى حـــد الارهـــاق=يـــوم الـزمــن فـــرّق قــلــوب الـشـقـايـق
شربت مـن كـاس الزمـن شـي مايـذاق=واظـــن مـشـفـي مــثــل مــاذقــت ذايــــق
اهــــل الــوفــا خــلاهــم الــوقـــت بـــــوّاق=واهــــــل الاشــــــده حـــولـــوا بـالـعــلايــق
وفـرخ الغـراب اللـي علـى البيـن نـعـاق=عيـنـه عـلـى العقـبـان صـــارت تـوايــق
والـحـر الاشـقـر فـيــه بـرقــع ومـسـبـاق=مـايـفــرق الـسـاعــات هــــن والـدقـايــق
تـغـيــرت حــتــى الـمـنـاسـب والاعـــــراق=هـجّـن بعـضـهـا فـــي زمـــان البـطـايـق
ثوب العرب لوهـو علـى الشـوف بـراق=لاجـيــت قـربــه شــفــت مــابــه بـنـايــق
صـــار التـفـاخـر بالعـمـايـر والاســــواق=ودم المـبـادي ضــاع مــن دون حـايـق
الــنــاس تــرســم خـارطـتـنـا بـــــالاوراق=وعـــدونــــا فــيـــنـــا يــــــــدور الــــدرايــــق
صــار الـعـراق عـــراق وعـــراق وعـــراق=تــقــاســـمـــوه مـــــزوريـــــن الـــوثـــايــــق
من عقـب ماهـو للعـرب مصـدر ارزاق=الـيــوم يـابــن حـمــود مـصــدر حــرايــق
جتـك الرسالـه وانـت بالشـعـر عـمـلاق=تـــزرع مـــن الــــورد الـمـعـتّـق حــدايــق
والـطــرق مـابـيـن الـكـبــاري والانــفــاق=مـشـابـهـه يـاصـاحـبـي وانــــت ســايــق
ويـارب عفـوك عــن خطـانـا والاعـتـاق=فــي سـاعـةٍ تـحـشـر جـمـيـع الـخـلايـق

يالله يـامـقـسّـم عــلــى الـخــلــق الارزاق=يــــارافــــعٍ ســــبـــــعٍ شـــــــــدادٍ طــــرايـــــق
بـأمـرك نـجـا الاواه مــن حـــر الاحـــراق=تــحـــولـــت بـــــــــرد وســلام..الــحــرايـــق
وسلـك كريمـك درب فـي موطـن اغـراق=عـلـى الـيـبـس كـالـطـود مـابــه عـوايــق
انــت الـرجـا نرجـيـك بالمـوقـف الـشــاق=ياحشـرجـت روحٍ بـهــا الـكــون ضـايــق
ارفـــق بـنــزع الـــروح يـاقـيــل مــــن راق=يـاغــرغــرت مـعــهــا شــهــيــدٍ وســـايـــق
وزاغ البصـر والتـفـت الـسـاق بالـسـاق=وصــارت عـلــوم الـغـيـب كـلــه حـقـايـق
فــــي مــوقــفٍ تـطــايــرت فــيـــه الاوراق=والشـمـس تـدنـو مـيـل فـــوق الـخـلايـق
تخـضـع لهيـبـة مـالـك المـلـك الاعـنـاق=ســــــادت قــــــوم ومـتــرفــيــن ورقـــايــــق
دنـيــا الـفـنـا كــرســي حــلاقــه وحــــلاق=كــــلٍ بــهــا مــــن عـلـقــم الــمــر ذايـــــق
واهــــل الــبــدع بالـمـلـعـبـه جــوهـــم راق=يـــوم اخـتـفـى راسٍ لـــه الـحـكــم لايــــق
تــولـــوا الـسـلـطــه روافــــــض وفـــسّـــاق=ســـــود الـعـمـايــم روســهـــم بـالـعـلايــق
لاعـــهــــد لاذمـــــــه ولافــــيــــه مــيـــثـــاق=مــاتــأمــن الــجــيــران مــنــهـــم بـــوايــــق
اخطـر غـزو غــزو المـبـادي والاخــلاق=اشـــــد مـــــن دمٍ عــلـــى الــقـــاع رايـــــق
عـبـر الفـضـا تسـبـح ملايـيـن الاطـبـاق=لنـزع العفـاف وكـشـف سـتـر الشقـايـق
ويابـوحـمـود لـهــادف الـشـعـر عــشــاق=وانـــت الـــذي بالـشـعـر مـبــدع وفــايــق
وصــفــت جــــرحٍ يـالـسـريّـع بـالاعـمــاق=وضــحّـــت بـالايــجــاز مّـــــر الـحـقــايــق
وللـشـعـر فــرســان ومـيـاديــن وســبــاق=مـــــن كـــــل جــيـــلٍ لـلـمـغـيـره ســبــايــق
شــعـــرٍ يــنـــال بـروعــتــه كــــــل الاذواق=تـقــبــل مـعـانــيــه الــفــطــر والــســلايــق
وشـعـرٍ هـزيـل لـراعـي الصـنـف مــالاق=يــمــوت فــــي مــهـــده وعــمـــره دقــايـــق
وصلوا على اللي صابه الحزن وارهاق=بـقـرن الثعـالـب عـقـب الاجـهـاد فـايــق

يالله مـن فعـل الذنـوب تحمانـي=إحّم (ن) من الزلات والزيغ والغـي
وطهر من اللغـو المحـرم لسانـي=لاتميِت قلبي بالمعاصي وانـا حـي
يارّخيت للنفـس العـزوم العنانـي=تقودنـي للشـر والموقـف السـي
هـذا وجـودي ياخيـار المعانـي=بمور كانت شـي واليـوم لاشـي
وين القطِيّن ويـن سـود المبانـي=ووآني(ن) كانت تحت ناقـع الفـي
وين الرشا والمقّم ويـن السوانـي=ودلوٍ من الجمه تشوتل على الطـي
وين السفايف والرسـن والبطانـي=والميّرِكه والخِرج مع قرّبـة المـي
وين النطـع والكـور والخيزرانـي=والنطو والشيصات والعِـدّل وروي
ويـن المصامـد بيّنـات المكانـي=ليا امتلـن تباشـر النـاس بـارِّي
وين السلـف ياطوحـوا بالغوانـي=يادرهموا ووموا على العوص بعصي
وين النيـاق المكرمـات السمانـي=مـا جللوهـن ليلـة البـرد بعبـي
ماهـو مكعـب رِعيهـن قحويانـي=وصفار وخزامى وضمرآن ومطـي
ماحلقوهـن فـي شبـوك الزيانـي=وحليبهن مابسّتـره مصنـع الـري
وبيت الشعر يمشي يديـن المبانـي=افضل من ابراجٍ على ساحـل دبـي
ربيـع قلبـي شوفتـه بالبيـانـي=مابين عقرب وايسر الصلب وخفـي
اشيـاء تذكرتـه بماضـي زمانـي=ذكرت شي ويذكـر الشـي بالشـي
عصـر التمـدن ياعتيِّـق كوانـي=وعندك خبر مايعالَج الكـي بالكـي
وصلوا على الملهم بسحر البيانـي=إختاره اللي يخرج الميت من حـي