مجلس منتدى الجري

اصبحت ياراضي حزينٍ وملهود=من علمٍ اوجع عرق قلبي من اقصاه
قالوا بدر فوق النعش حط ممدود=وصلوا عليه الظهر والكل ينعاه
بالمختصر ودع ولاهو بموجود=وحسيت قلبي شاردٍ عن حناياه
لو إن دمع العين للرجل منقود=غصبٍ على خشم الرجل ينتثر ماه
لافارق اللي لانفقد قيل مفقود=رجلٍ تنومس بالمراجل مزاياه
يالله يامرسل محمد وداؤود=ياللي عباده بالشدايد تنصاه
تفك جسمه من نخر لين الدود=وتِفرَحه بالقبر لاشاف مبناه
وتجبر عزا بسام وابوه وسعود=واخوانه اللي مانقصوا عن سجاياه
وكل المعايا دون خصٍ ولاحدود=اللي رثوا بالدمع في يوم فرقاه
هذا صباح اليوم والعمر معدود=(والموت حق )وكل ابونا بنلقاه