مساحات وترحمات

 إقــتــبـاس المشاركة الأصلية كتبت بواسطة عبيد 

كان الجماعة مجتمعين عند سالم الناصر - رحمه الله - عصرا قريب من القيصومة.. و كان من ضمنهم الوالد رحمه الله. . و كنت موجودا في المجلس ( وقت عطلة المدارس) فطلب مني الوالد رحمه الله أن أذهب و أحضر السيارة (الوانيت) كي يعود بها للبيت ( بيت الشعر ..طبعا). . و من شدة الفرح بالطلب لأني( وقتها توي متعلم السواقه ) جريت أسابق الريح نحو السيارة و كان البيت يبعد حوالي 300 - 500 متر من المجلس ( يالله تسمع المصوت). المهم وصلت للوانيت و اطمر بالصدر و أشغل و أعشق القير و أرجع لبيت الناصر كي أجيب الوالد.. كان وقتها الرجاجيل يصلون المغرب .. و من سوء الطريق ( حجرة القيصومة) كنت أسوق على الخفيف ( رجل على البنزيم و رجل على الكلتش) و يوم أقبلت بحوالي 200 متر من البيت و على تسليمة المصلين .. و الا يوم غيرت الناس و جيهها من القبله يمي ( نحوي) ! و في لحظات يوم الوغدان أنطلقوا من المصلى و اتجهو ا لي ! و كنت وقتها أفكر في سبب ركضهم يمي و سبب نظر المصلين لجهتي.,. و بعضهم وقف و يؤشر بيده و لكن ما أسمع وش يقولون؟ المهم اللي طرا لي وقتها هو أن فيه أرنب(ن) حولي ( الأرانب في .. ذلك الوقت مالها الصياد). فولعت النور و غيرت أتجاهي عن هالناس و اقوم أدور . . و أدور .. و أدور ( و الوغدان تركض بثري).. الا أن أخذت دورة كامله و الا أنا وجها لوجه مع الأخ الأكبر/ محمد ( أبو ماجد) .. و الا لوه نفيخ .. و نهيت من الركض و راي .. و يسب و يشتم .. ( يالعمى .. ياللي ماتشوف ) و هذا سبب لبسي للنظاره من بعدها ! قلت: ليه ياخوي؟ وش فيه؟ وش اللي حصل؟ قال: وش اللي حصل؟ أنزل وشف وش اللي حصل يالعمى .. ياللي ما تشوف!! أفا .. عسى ما السياره مبنشره؟ .. و أنا أنزل .. و هو يمسكن مع أذني (بقووه).. و يتلن جهة باب الحوض .... و هو يردد شف وش اللي وراك يالعمى ياللي ما تشوف!!
و يوم ناظرت.. و الا وش أشوف .. !! خضير ( أكرمكم الله ) مربوط بالوانيت .. و من التعب كان (نويم ) على جنبه ورى الوانيت .. ف ما شفته .. وسحبته على هالحجرة اللي أنتم خابرين .. و كان جلده منسلخ(ن) من أذنه ليا ذنبه .. و الدم على مجره تقل ردمية !! و هو بين الحياة و الموت !
عاد أنا ما أدري وش أتعذربه .. ما غير أقول لمحمد : و الله مادري.. و الله مادري..خل أذني.. هد أذني ..المهم أنه فك أذني و حل الحبل من الوانيت..
تلك الليله كانت آخر ليله لي قبل السفر .. يعني وقت وداع ما هو وقت خناق.. و كان خويي اللي أبي أسافر معه.. صديق العمر و الخال العزيز: أبو ناصر رحمه الله.. يوم درى باللي جرى .. و هو يضحك.. و هو يضحك .. و هو يضحك. . و قال: تجهز .. تجهز ... ترنا ماشين هالحين ... و فعلا ودعت الأهل و مشينا .. و أنا ما أدري ( الحمار ميت و الا حي ).. و لكن في العطلة التالية زرت الأهل و أذا هو ( خضير ) حي يرزق.. و لكن جنب(ن) به شعر .. و جنب محسنة.. ما بها الشعره.
هذه القصة كتبتها على عجل..أرجو أن تنال رضاكم .
و المعذره عن التقصير . دمتم في رعاية الله وحفظه.

 إقــتــبـاس المشاركة الأصلية كتبت بواسطة عبيد 

كان الجماعة مجتمعين عند أبو طليحان - ساير الناصر . أمد الله بعمره على الطاعه. عصرا قريب من القيصومة.. و كان من ضمنهم الوالد رحمه الله. . و كنت موجودا في المجلس ( وقت عطلة المدارس) فطلب مني الوالد رحمه الله أن أذهب و أحضر السيارة (الوانيت) كي يعود بها للبيت ( بيت الشعر ..طبعا). . و من شدة الفرح بالطلب لأني( وقتها توي متعلم السواقه ) جريت أسابق الريح نحو السيارة و كان البيت يبعد حوالي 300 - 500 متر من المجلس ( يالله تسمع المصوت). المهم وصلت للوانيت و اطمر بالصدر و أشغل و أعشق القير و أرجع لبيت الناصر كي أجيب الوالد.. كان وقتها الرجاجيل يصلون المغرب .. و من سوء الطريق ( حجرة القيصومة) كنت أسوق على الخفيف ( رجل على البنزيم و رجل على الكلتش) و يوم أقبلت بحوالي 200 متر من البيت و على تسليمة المصلين .. و الا يوم غيرت الناس و جيهها من القبله يمي ( نحوي) ! و في لحظات يوم الوغدان أنطلقوا من المصلى و اتجهو ا لي ! و كنت وقتها أفكر في سبب ركضهم يمي و سبب نظر المصلين لجهتي.,. و بعضهم وقف و يؤشر بيده و لكن ما أسمع وش يقولون؟ المهم اللي طرا لي وقتها هو أن فيه أرنب(ن) حولي ( الأرانب في .. ذلك الوقت مالها الصياد). فولعت النور و غيرت أتجاهي عن هالناس و اقوم أدور . . و أدور .. و أدور ( و الوغدان تركض بثري).. الا أن أخذت دورة كامله و الا أنا وجها لوجه مع الأخ الأكبر/ محمد ( أبو ماجد) .. و الا لوه نفيخ .. و نهيت من الركض و راي .. و يسب و يشتم .. ( يالعمى .. ياللي ماتشوف ) و هذا سبب لبسي للنظاره من بعدها ! قلت: ليه ياخوي؟ وش فيه؟ وش اللي حصل؟ قال: وش اللي حصل؟ أنزل وشف وش اللي حصل يالعمى .. ياللي ما تشوف!! أفا .. عسى ما السياره مبنشره؟ .. و أنا أنزل .. و هو يمسكن مع أذني (بقووه).. و يتلن جهة باب الحوض .... و هو يردد شف وش اللي وراك يالعمى ياللي ما تشوف!!
و يوم ناظرت.. و الا وش أشوف .. !! خضير ( أكرمكم الله ) مربوط بالوانيت .. و من التعب كان (نويم ) على جنبه ورى الوانيت .. ف ما شفته .. وسحبته على هالحجرة اللي أنتم خابرين .. و كان جلده منسلخ(ن) من أذنه ليا ذنبه .. و الدم على مجره تقل ردمية !! و هو بين الحياة و الموت !
عاد أنا ما أدري وش أتعذربه .. ما غير أقول لمحمد : و الله مادري.. و الله مادري..خل أذني.. هد أذني ..المهم أنه فك أذني و حل الحبل من الوانيت..
تلك الليله كانت آخر ليله لي قبل السفر .. يعني وقت وداع ما هو وقت خناق.. و كان خويي اللي أبي أسافر معه.. صديق العمر و الخال العزيز: أبو ناصر رحمه الله.. يوم درى باللي جرى .. و هو يضحك.. و هو يضحك .. و هو يضحك. . و قال: تجهز .. تجهز ... ترنا ماشين هالحين ... و فعلا ودعت الأهل و مشينا .. و أنا ما أدري ( الحمار ميت و الا حي ).. و لكن في العطلة التالية زرت الأهل و أذا هو ( خضير ) حي يرزق.. و لكن جنب(ن) به شعر .. و جنب محسنة.. ما بها الشعره.

هذه القصة كتبتها على عجل..أرجو أن تنال رضاكم .
و المعذره عن التقصير . دمتم في رعاية الله وحفظه.

 إقــتــبـاس المشاركة الأصلية كتبت بواسطة سعد مبارك 

 إقــتــبـاس المشاركة الأصلية كتبت بواسطة شامي الدهيمان 

بما إن الجو بارد اليوم ودرجة الحرارة 5 درجات الصباح تذكرت سالفة
لبو مدبغ رحمه الله واسكنه فسيح جناته
اترحموا على موتانا وموتى المسلمين رحمهم الله
يحدثني والدي امد الله في عمره على طاعته والبسه لباس الصحة والعافية
يقول بينما نحن في يومً بارد من أيام الشتاء القارص ولا يخلو من بعض الاعاصير . هو وعمي ابا مسند (( رئيس الشباب)) في رعاية الابل
وبعد العشاء قررنا الذهاب لبو مدبغ رحمه الله لنتسامر معه حيث كان عزابي والجميع يرتاح للذهاب اليه يقول والدي ذهبنا اليه وسمرنا معه وعندما هممنا بالعودة رفض وقال اليله برد وسوف تباتون هووووووون ( وشرائكم بكلمة هووون ))
يقول اخبرناه بإن : عود للهجة العامية (( اباعرنا )) ما عنده احد وفيه بنت مضيعه غنمه وخاف تكون حول الابل وياتيها الذئب ويلعن سنسبيله .
يقول فكان متكاً ابو مدبغ رحمه الله فضحك وضحك فقال اسمعوا العلم المراح ممرحين ممرحين عندي والغنم انا اقولكم وش يحصل معها .. راح يجي الذئب من الافيح تعبان وظهره ماء من المطر . ويبي الدفاء وراح يشوف قدامه السواده ويتوهم انها جال ويقرب ليستريح ومع اقترابه للسواد يكتشف انها غنم ويلعب بحسبته لعب
يقول قلنا عين خير قال معينن خير ولكن تشوووووووفوون
يقول والدي ومع الصباح الباكر الا واحد يصوت ياراااااااااااااااااع النعجة ........ويتبسم ابو مدبغ رحمه الله قال اسممممممممممممممممممع
يقول وصلنا الابل ولا الغنم مذبوحة جميعهاا بالقرب من الابل .....
ومن الصدف انه هي اليلة الوحيدة الي ما ناموا عند الابل
رحم الله ابو مدبغ (( قعيمل خلف )) وموتانا وموتا المسلمين اجمعين
إلى اللغاء