الشيخ حمدان الفديد

لا وى حسافه ماحضرناك حمدان =عز المعايا وعز منهو لجابه
الشهم يبقى أسمه مثل طير حوران =حرن كفخ في قمتن وعتلابه
شيخً ولد شيخً ومن نسل شيخان =ذكره رفع راسي وراس أعتزابه
بين العرب بديار عرعر ويلان =قالو هذاك الشيخ لك به قرابه
حمدان ابن مثور شجاعً وسلطان=أبن فديد المجد والله رقابه
مرحوم يامنهو سكن وصط فيحان =عسى المطر يهطل ويسقي ترابه
وعساك بجنه كلهاء ريح ريحان =وفي مجلسً مع النبي والصحابه
ذكرك مخلد يافتى الجود حمدان=ومسجلً بحروف كلً درابه
الحاء يعني حب حمدان برهان=صدق الفعول وصدق شيً عنابه
والميم موتت جسم مع روح وأعيان=ما موتت ذكرك وذكرك بقابه
والدال دمعً سال بعيون شيبان=من شان ذكرك وأنت ذكرك هلابه
وأما الألف أرجي من الله رحمان=يغفر خطا من هو ذهب والتجابه
والنون نارالله عسى مالكم شان=فيها وعسى الفردوس مرقد جنابه
وعسى العوض في راس أبنك كحيلان=شخير عسى الدنيا تزيده مهابه
وتعين ثامر هو ونايف والأخوان=هم هقوت الي يعتزي بالذيابه
ويبقون لطولات رايه وعنوان=ويبقون ذخرً للمعايا بصلابه